Mann skadd av vådeskot i Hordaland

(NPK-NTB): Ein mann er flogen til sjukehus etter at han fekk eit vådeskot frå ei jaktrifle gjennom foten i Samnanger kommune i Hordaland.

Publisert: 25.05.2016 kl 20:23

Meldinga om saka, som skjedde i kommunesenteret Tysse, kom klokka 19.05 onsdag, ifølgje politiet i Hordaland. Den skadde er 26 år gammal.

Det var to involverte – far og son, opplyser operasjonsleiar Morten Kronen til NTB.

– Det har skjedd då faren skulle vise sonen ei jaktrifle. Sonen er bevisst. Han har store skadar i foten, fortel operasjonsleiar.