Annonse

Mann til sjukehus etter knivstikking i Haugesund

(NPK-NTB): Ein 50 år gammal mann er sendt til Haugesund sjukehus etter å ha vorte knivstukken i ei leilegheit i Haugesund. Ein 48 år gammal mann er gripen i saka.

Politiet fekk melding om hendinga klokka 23.09 måndag kveld.

– Fornærma er påført skadar med ein kniv eller ein gjenstand som er i samsvar med kniv. Han er ikkje livstruande skadd, seier operasjonsleiar Trond Friberg i Sørvest politidistrikt til NTB.

Han omtalar dei involverte som kjende av politiet, og seier at dei høyrer til eit belasta miljø.

– Vi kjenner ikkje årsaka til hendinga, men det skjedde i ei leilegheit i Haugesund der både fornærma og mistenkte var til stades, seier Friberg.

Politiet har gjort tekniske undersøkingar på staden, og har tatt beslag i fleire knivar. Dei fann også to knivar på sikta da han vart gripen. (©NPK)