Mann tiltalt for sex med mindreårig på barnevernsinstitusjon

Ifølgje tiltalen hadde mannen, som då var 18 år gammal, ved tre høve seksuell omgang med den mindreårige jenta, som då var 15 år, skriv NRK.

Den siste gongen skal han ha fått henne til å utføre oralsex mot at han gav henne det narkotiske stoffet GHB. Seinare same kveld skal han ha funne jenta medvitslaus etter ein overdose av stoffet, men latt vere å varsle nokon om tilstanden hennar.

– Det er under alle kritikk at noko sånt kan skje på ein institusjon der ungdom skal kome for å kjenne tryggleik og få oppfølging av kvalifisert personell, meiner bistandsadvokat Andreas Nylund, som representerer jenta som overlevde overdosen.

Mannen erkjenner straffskuld for tre tilfelle av seksuell omgang med ei mindreårig jente, men han nektar for at å ha forlate henne i hjelpelaus tilstand, seier forsvararen til 19-åringen Per Ove Marthinsen.

– Han har forklart at det blei brukt GHB og at det var seksuell kontakt, men det hadde inga årsakssamanheng. Då skal han verken erkjenne straffskuld eller dømmast for den avgjerda, seier han.

19-åringen kan bli dømt til inntil seks års fengsel i tingretten, og saka mot han startar tysdag i Øvre Romerike tingrett. (©NPK)