– MC-førarar bør bruke kollisjonspute

Kollisjonspute for motorsykkel er også peika på som viktig i «Nasjonal tiltaksplan for trafikksikkerhet på vei 2022–2025.».

MCF har i mange år arbeidd for å betre tryggleiken for MC-førarar og går no aktivt ut og oppmodar alle motorsyklistar til å bruke kollisjonspute.

– Hovudfokuset er og vil bli at vi som MC-førarar skal innrette oss slik i trafikken at ulykker ikkje skal skje, anten dei kjem av andres eller våre feil. Det hjelper lite å ha forkøyrsrett viss du blir treft av ein bil, seier sekretær Arve Lønnum i MCF.

Statens vegvesen meiner det er positivt at MCF rettar merksemda mot å bruke køyreutstyr av god kvalitet og kollisjonspute som ein del av køyreutstyret.

– Det er eitt av fleire veldig viktige tiltak for å bidra til å få ned talet på skadar og dødsfall ved ulykker på motorsykkel, seier vegdirektør Ingrid Dahl Hovland.

(©NPK)

Motorsykkelimportørenes Forening (MCF) oppmodar alle MC-førarar til å utstyre motorsykkelen sin med kollisjonspute. Foto: Annika Byrde / NTB / NPK