Medium: Aubameyang på veg til Chelsea

Sky Sports hevdar å ha kjelder på at Barcelona-spissen Pierre-Emerick Aubameyang kan bli Chelsea-spelar i dag.

Publisert: 01.09.2022 kl 12:04

Det byrjar å haste om det skal bli ein realitet. Overgangsvindauget stengjer midnatt norsk tid.

Ifølgje TV-kanalen inneber overgangen for den tidlegare Arsenal-spelaren at Marcos Alonso går motsett veg til Barcelona og Camp Nou for rundt 65 millionar norske kroner.

Også The Athletic erfarer det same.

(©NPK)

Barcelonas Pierre-Emerick Aubameyang under ein treningskamp mot Manchester City 24. august. Foto: Joan Monfort / AP / NTB.