Mikkelsen og Holm tekne ut på U21-landslaget

Vålerenga-talentet Odin Thiago Holm (19) er inkludert i U21-troppen til landslaget for første gong. Han har teke Eliteserien med storm den siste tida.

lars.eide@ntb.no/hege.grov@npk.no

Publisert: 12.09.2022 kl 14:12

Måndag var han på trenar Leif Gunnar Smeruds liste over namn som skal møte Sveits og Spania i treningskampar.

Holm har slite med skadar i ein periode, men den siste tida har han vore heilt sentral for eit Vålerenga-lag som har vore i svært god form. Holm har spelt aldersbestemde landskampar for Noreg på alle alderstrinn frå G15 og oppover. Han står oppført med éin landskamp for G19-laget.

Også Tromsøs August Mikkelsen får sjansen.

Mikkelsen har levert fem mål og fire målgivande pasningar for Tromsø i Eliteserien denne sesongen. Han skåra nyleg to mål i 4-3-sigeren over Rosenborg, og mot Bodø/Glimt søndag skåra han på eit fantastisk frispark, men måtte gå av til pause. Likevel er han klar for spel.

U21-laget har kvalifisert seg til EM til sommaren neste år.

(©NPK)

Vålerengas Odin Thiago Holm jublar for mål mot Kristiansund i helga.
Foto: Svein Ove Ekornesvåg / NTB