Milan-spelarar blir bøtelagde etter gullfest
Fire spelarar blir straffa økonomisk for dårleg åtferd under feiringa av Milans titteltriumf i Serie A.
Det melder nyheitsbyrået AP. Theo Hernández (Frankrike), Sandro Tonali (Italia) og Mike Maignan (Frankrike) har alle fått ei bot på 4000 euro (42.000 kroner), medan bosniske Rade Krunic er bøtelagt med 5000 euro (52.000 kroner).
I tillegg må Milan ut med 12.000 euro. Det svarer til 125.000 kroner.
Straffa kjem som følgje av åtferda til spelarane i feiringa av klubbens første ligatttel på elleve år. Hernández og Krunic er bøtelagt for støytande utsegner og for å ha vist opp eit støytande banner i retning bynabo Inter.
Maignan får svi for å ha halde oppe det same banneret, medan Tonali hadde på seg ei kontroversiell trøye med stikk mot Inter. Milan vann i mai liagaen to poeng føre lokalrivalen.
(©NPK)