Minnemarkering ved USAs ambassade i Oslo

Det var FRI – Foreininga for kjønns- og seksualitetsmangfold – som stod bak minnemarkeringa. Det blei lagt ned blomar og halde eitt minutts stille på staden, og FRIs leiar Ingvild Endestad heldt tale.

USAs ambassade i Oslo flaggar på halv stong, og mange har lagt ned blomar ved gjerda for å minnast offera for skytemassakren i Orlando.

Den amerikanske ambassaden var allereie pynta i regnbogefargar for å markera Pride-månaden, og både søndag og måndag kom folk til staden for å leggja ned roser og tenna faklar og telys. Fleire av blomebukettane har regnbogesymbol festa til seg.

Minst 50 menneske blei drepne då ein mann skaut rundt seg på ein nattklubb for homofile i Florida natt til søndag.

President Barack Obama har bede alle offentlege bygningar i USA, i tillegg til amerikanske ambassadar verda over om å flagga på halv stong etter skytemassakren i Orlando. (©NPK)