Arbeidsstad:

Prosjekt- og byggjeleiar vasskraftanlegg

Tussa Energi er inne i ein aktiv periode med bygging av fleire småkraftverk, modernisering av eldre anlegg og oppgradering av dammar. Vi søkjer etter ein engasjert, handlekraftig og erfaren prosjekt- og byggjeleiar som kan vere med å planleggje og leie nye prosjekt både i prosjekterings- og byggjefasen.

Du må kunne jobbe sjølvstendig, vere kreativ, resultat- og løysingsorientert, ha gode samarbeidsevner og trivast med å jobbe i ein tverrfagleg stab. Du vil få ansvar for både delprosjekt og heile anlegg, frå idestadiet til ferdigstilling.

Viktige arbeidsoppgåver

• Gjennomføre prosjekt til avtalt kostnad, tid og kvalitet
• Utvikle prosjekt, prosjekt- og byggjeleiing knytt bygging eller rehabilitering av kraftstasjonar, med tilhøyrande vassdragsanlegg (vassvegar og dammar)
• Kommunikasjon og koordinering, både internt i prosjekta og med eksterne leverandørar
• Utarbeide førespurnadar, kontrahering, følgje opp prosjektøkonomi og framdrift
• Kontrakts- og endringshandtering
• Følgje opp, kontrollere, dokumentere og avslutte prosjekt

Kvalifikasjonar

• Bachelor eller master i vassdragsteknikk/bygg og anlegg
• Relevant erfaring
• Erfaring frå prosjekt- og byggjeleiing
• Økonomisk forståing og god teknisk innsikt
• Meistre flytande norsk, både skriftleg og munnleg
• Førarkort klasse B
• Personlege eigenskapar vil bli vektlagt

Av omsyn til kjønnsbalansen i selskapet oppmodar vi kvinner til å søkje.

Personlege eigenskapar vil verte vektlagt.

Vi tilbyr

• Interessante og utfordrande arbeidsoppgåver i eit solid selskap med høg aktivitet
• Eit uformelt arbeidsmiljø som legg vekt på personleg utvikling, sjølvstende og trivsel
• Ei rekke personalgoder som firmahytter og bedriftsidrettslag, og gode pensjons - og forsikringsordningar