Arbeidsstad:

Dataanalytikar

Spennande stilling i krafthandelsavdelinga

Tussa har ledig stilling i krafthandelsavdelinga og søkjer deg som har solid IT-kompetanse, gjerne med spisskompetanse innan data og analyse. Du blir ein del av eit tverrfagleg lag beståande av fagansvarleg IKT, produksjonsplanleggjar/trader og analytikar/leiar. Du vil vere ein ressurs for heile avdelinga og må kunne samarbeide godt. Stillinga vert ein del av eit fagmiljø innan IT i Tussa Energi, og mykje av arbeidet vert knytt til digitalisering, automatisering, data og analyse innan krafthandel og tilhøyrande aktivitetar.

Aktuelle arbeidsoppgåver vil vere:

• Digitalisere og automatisere prosessar innan krafthandel
• Kartleggje og implementere algoritmehandel for fysisk krafthandel
• Utvikle og forvalte dataflytar, rapporteringsløysingar, analysar og modellar i datavarehus
• Forvalte handelssystem, kontaktpunkt og samhandling med aktuelle programvareleverandørar
• Avløyse innan handel eller andre oppgåver utanfor eige ansvarsområde

Vi ser etter deg som oppfyller fleire av følgjande punkt:

• 3-5 år med høgare utdanning
• God kjennskap til Python og/eller SQL
• Ønskjer å jobbe med ein moderne Azure-basert dataarkitektur
• Erfaring med dataanalyse og datavisualisering
• Gode norsk og engelskkunnskapar, både skriftleg og munnleg
• Av omsyn til kjønnsbalansen i selskapet oppmodar vi kvinner til å søkje

Personlege eigenskapar vert vektlagt

Vi tilbyr

• Interessante og utfordrande arbeidsoppgåver i eit solid selskap med høg aktivitet
• Eit uformelt arbeidsmiljø som legg vekt på personleg utvikling, sjølvstende og trivsel
• Gode velferds-, pensjons- og forsikringsordningar

Før tilsetting vil vi gjennomføre bakgrunnssjekk og personkontroll med heimel i kraftberedskapsforskrifta. Relevante kandidatar vil få nødvendig informasjon om dette. Tilsetting vert gjort med føresetnad om godkjent bakgrunnssjekk.