Minstepris for Brækhus-billett er 690 kroner

Billettane blei lagt ut for sal torsdag klokka 09.00 etter at det onsdag ettermiddag blei klart at Brækhus får lov til å bokse på norsk jord. Det blir den første profesjonelle boksekampen i Noreg på 35 år.

– Det var ikkje hallar i Bergen som oppfylte dei ønska vi hadde. Derfor blei det Oslo Spektrum. Dessverre må eg seie, men eg håper jo bergensarane kjem til Oslo for å støtte meg, sa Brækhus til NTB.

Prisane varierer frå 690 til 2490 kroner. I tillegg til Brækhus-kampen, kor motstanden er ukjent, blir det tre andre kampar. Det er også venta at det blir laga eit show med fleire artistar i samband med arrangementet .

– Vi skal ta litt av Las Vegas til Noreg og lage ein folkefest, sa Morten Andreassen som jobbar for Brækhus-selskapet First Lady Promotion via Advokatfirmaet Elden. (©NPK)