Mobiloperatøren Ice hadde problem torsdag

Kundane byrja å merke ustabile tenester klokka 15.45. Ifølgje Ice var tenestene for tale og data ramma, og det gjaldt alle delar av landet.

– Ingeniørane våre gjekk omgåande i gang med feilsøking og retting. Feilkjelda vart raskt identifisert som ein systemfeil, og klokka 16.30 var den retta. Vi byrja å sjå gode teikn til betring like etter rettinga, skriv kommunikasjonssjef Sebastian Storvik i ein e-post til NTB.

Etter ein slik feil tek det som regel litt tid før alle opplever at alle tenestene fungerer som normalt, forklarer han.

Ice har ifølgje sine eigne nettsider over 700.000 kundar. Selskapet har ikkje noko konkret tal på kor mange kundar som vart ramma torsdag, men opplyser at svært mange av kundane truleg har opplevd mangel på kontakt med nettet.

– Vi beklagar endå ein gong overfor alle som vart ramma, seier Storvik.

(©NPK)