Mount ute av England-troppen

Mason Mount mistar Englands første kampar i EM-kvalifiseringa i fotball. Chelsea-profilen er ikkje heilt klar etter ein skade i bekkenet.

Publisert: 17.03.2023 kl 19:37

Midtbanespelaren må også stå over Chelseas bortekamp mot Everton i Premier League laurdag.

– Han var ikkje 100 prosent i førre kamp, så han er ikkje heilt klar. Han kjem også til å miste samlinga med England, fortalde Chelsea-manager Graham Potter fredag.

Mount har trøbla med forma denne sesongen og står med berre seks målinvolveringar (tre skåringar, tre målgivande pasningar) på 32 kampar.

England møter Italia borte og Ukraina heime i EM-kvalifiseringa seinare i månaden.

(©NPK)

Mason Mount må stå over landslagssamlinga med England. Foto: Ian Walton / AP / NTB