Mowinckel med NM-trippel

Først var ho best i utforrennet torsdag. Deretter sikra ho seg super G-gull i rennet fredag, som også var del éin av superkombinasjonen. Og i andre omgang i superkombinasjonen (slalåm) heldt ho alle dei andre bak seg og sikra seg endå ein siger.

Maren Skjøld var til slutt 59 hundredelar bak Mowinckel og tok sølvet. Kajsa Vickhoff Lie blei nummer tre og sikra seg med det sin tredje strake NM-medalje.

– Eg kan jo ikkje gjera det stort betre enn dette. Det er godt med tre strake, som er ny rekord for min del i NM-samanheng. Eg har variert mykje i prestasjonane i slalåm i det siste, men dette gjekk overraskande bra, jubla Mowinckel i målområdet.

– Eg stiller opp på startstreken for å vinna igjen. Det er godt å vera i ein fin flyt, men både Maren Skjøld og Nina Løseth, pluss ungjentene, blir tøffe utfordrarar, sa ho.

Favoritt Aleksander Aamodt Kilde køyrde ut, medan Adrian Smiseth Sejersted, som tok NM-gullet i super G, kom 61 hundredelar for seint i mål. Axel William Patricksson tok den første NM-medaljen i karrieren med bronse.

– Det er godt å vinna NM-gull! Eg måtte steppe opp eit hakk i slalåmdelen for å klara gullet, og det klarte eg. I super G-delen blei det eigentleg for mange feil, sa Monsen. (©NPK)