Mytteri på oljetankar utanfor kysten av Malaysia

(NPK-NTB-AP): Ein arbeidskonflikt førte til at mannskapet på oljetankaren MT Vier Harmony tok kontroll over skipet og seglde det frå malaysisk til indonesisk farvatn. Sjøfartsmyndigheitene frykta først at skipet var kapra.

npk@npk.no

Publisert: 17.08.2016 kl 08:45

Sist oppdatert: 17.08.2016 kl 11:39

Skipet er observert utanfor den indonesiske øya Batam, rett sør for Singapore, ifølgje malaysiske sjøfartsmyndigheiter (MMEA). Først var det snakk om at skipet vart kapra, men det er no blitt klart at mannskapet seglde skipet inn i indonesisk farvatn på grunn av ein arbeidskonflikt. Det er ingen indikasjonar på bruk av vald.

Vier Harmony, som er registrert i Indonesia, seglde frå Tanjung Pelepas-hamna i Malaysia måndag. Skipet er lasta med 900.000 liter diesel. (©NPK)