Narkoubåt med eitt tonn kokain om bord stoppa

Den delvis nedsenkte båten vart stoppa ved øya Genovesa, nord i Galápagos, rundt 1.000 kilometer frå Ecuadors fastlandskyst. Det var eit skip frå kystvakta som stoppa ubåten, og operasjonen vart gjennomført i samarbeid med colombiansk politi, opplyser sikkerheitsminister Diego Fuentes i Ecuador.

Nyleg opplyste styresmaktene i Ecuador at dei beslagla 265 tonn narkotika, hovudsakleg kokain, i dei tre første månadane i år. Brorparten av det som vart beslaglagt, var tiltenkt den internasjonale marknaden. Ecuador blir rekna som fritt for narkoavlingar, men blir brukt som transittland for narkotika og produksjonsutstyr.

I 2014 vart det beslaglagt 61,4 tonn narkotika. Året før var talet 57,4 tonn. (©NPK)