Nedgang i industrien

(NPK-NTB): Industriproduksjonen i Noreg gjekk ned 1,1 prosent frå første til andre kvartal i år. Nedgangen er størst i næringar knytte til oljebransjen.

npk@npk.no

Publisert: 05.08.2016 kl 13:28

Frå mai til juni i år var nedgangen på 2,9 prosent, ifølgje Statistisk sentralbyrå.

Sesongjusterte tal viser at nedgangen var størst innan maskinindustrien, der produksjonen gjekk ned med 5,5 prosent. Maskinreparasjon og maskininstallasjon hadde ein nedgang på 5,2 prosent og dataindustri og elektrisk utstyrsindustri gjekk ned med 4,2 prosent.