Ni drepne av bilbombe i Libanon

(NPK-NTB-Reuters): Minst ni menneske vart drepne og fire vart såra då ei bilbombe eksploderte nordaust i Libanon torsdag, opplyser tryggingskjelder.

npk@npk.no

Publisert: 05.11.2015 kl 13:10

Sist oppdatert: 05.11.2015 kl 13:44

Bilbomba eksploderte i byen Arsal, der stridande syriske grupper har gjennomført ei rad angrep og aksjonar dei siste åra.

Arsal ligg 124 kilometer nordaust for Beirut og innbyggjarane er i hovudsak sunnimuslimar.

Etter at libanesiske sikkerheitsstyrkar i fjor haust arresterte ein av leiarane i Nusrafronten, al-Qaidas forlengde arm i Syria, angreip opprørarar frå gruppa politistasjonen i Arsal og tok 16 politimenn som gislar.

Opprørarane tok deretter kontroll over mesteparten av byen, før han vart teken tilbake av regjeringsstyrkar.