Noreg aukar støtta til sivile i Afghanistan

Fjorårets støtte vart stansa i august som følgje av Taliban tok over makta i landet. Då hadde Noreg klart å gi 685 millionar kroner til Afghanistan fram til stansen.

Utanriksdepartementet presiserer at norsk støtte ikkje går til Taliban-regimet, men går via FN, Verdsbanken og frivillige organisasjonar.

– Afghanistan står overfor enorme utfordringar, både politiske og humanitære. Barn er spesielt utsette i den alvorlege humanitære situasjonen. Noreg gir 700 millionar kroner til humanitær assistanse og bistand til Afghanistan i 2022, seier utanriksminister Anniken Huitfeldt (Ap) i ei pressemelding.

Ho representerte torsdag Noreg på den digitale internasjonale givarkonferansen for Afghanistan.

– Situasjonen vil påverke den kommande generasjonen og samfunnsutviklinga i åra som kjem. Vi vil bidra til grunnleggjande tenester som helse og utdanning, så sant både jenter og gutar har tilgang. Vi vil òg bidra til at livsgrunnlaget til afghanarar ikkje kollapsar, seier Huitfeldt.

(©NPK)

Utanriksminister Anniken Huitfeldt seier Noreg aukar støtta til Afghanistan til 700 millionar kroner i 2022. Foto: Heiko Junge / NTB