Noreg fordømmer Nord-Koreas oppskyting av interkontinental missil

Noreg fordømmer Nord-Korea test av eit interkontinental ballistisk missil torsdag. Anniken Huitfeldt (Ap) seier oppskytinga truar internasjonal tryggleik.

Publisert: 17.03.2023 kl 19:07

– Nord-Koreas oppskyting bryt med fleire tryggingsrådsresolusjonar og trugar regional og internasjonal tryggleik, seier utanriksminister Huitfeldt.

Oppskytinga torsdag var andre gong denne veka at nordkoreanarane testa våpen. Testane skjer medan Sør-Korea og USA held ei felles militærøving i regionen. Nord-Koreas statlege nyheitsbyrå KCNA skriv at oppskytinga skjedde som svar på dei «provoserande og aggressive» øvingane.

Missilet har ei rekkjevidd på minst 5.500 kilometer og kan utstyrast med atomstridshovud.

(©NPK)

Utanriksminister Anniken Huitfeldt (Ap) seier Nord-Koreas missiloppskyting bryt med fleire tryggingsresolusjonar. Foto: Rune Stoltz Bertinussen / NTB

Nord-Korea hevdar dette bildet viser rakettoppskytinga som skjedde torsdag. Foto: Korean Central News Agency / AP / NTB