Noreg klatrar fem plassar på Fifa-rankinga

Dermed ligg Noreg på 36.-plass på rankinga over dei beste landslaga i verda.

Det er dei gode resultata i nasjonsligaen som gjer at det norske landslaget går forbi Canada, Ungarn, Kamerun, Egypt og Skottland.

Fifa-rankinga avgjer korleis seedinga blir når kvalikgruppene til VM 2026 skal trekkjast i juli 2023. Noreg ligg no an til å bli andreseeda, sidan det er dei ti beste europeiske landa som blir førsteseeda. Noreg er det 20. beste europeiske landslaget.

Brasil går forbi Belgia på Fifa-rankinga og er rangert som det beste landslaget i verda. Copa América-vinnar Argentina går opp endå ein plass frå førre ranking, etter dei klatra ein plass etter meisterskapen òg. Dei ligg på 3.-plass. Europameister Italia går ned frå 6.- til 7.-plass.

Topp ti nasjonar:

1) Brasil 1837,56, 2) Belgia 1821,92, 3) Argentina 1770,65, 4) Frankrike 1764,85, 5) England 1737,46, 6) Spania 1716,93, 7) Italia 1713,86, 8) Nederland 1679,41, 9) Portugal 1678,65, 10) Danmark 1665,47.

(©NPK)

Erling Braut Haaland og resten av det norske landslaget klatrar fire plassar på Fifa-rankinga.
Foto: Javad Parsa / NTB