Norsk blåmuggost vann Oste-VM

Blåmuggosten «Nidelven Blå» frå Gangstad gardsysteri vart fredag kåra til den beste osten i verda. Den slo ut over 4500 andre ostar.

Publisert: 27.10.2023 kl 17:47

Osten «Nidelven Blå» fekk 102 poeng under verdsmeisterskapen som blir halden i Trondheim. Dermed vart den kåra til den beste osten i verda, melder NRK.

Heile 260 dommarar var med å kåre vinnaren. Av dei 4500 ostane kom 16 heilt til finalen.

Norske ostar har tidlegare vunne VM i 2016 og 2018.