Norsk Folkehjelp: – Unødvendig av departementet

Justis- og beredskapsdepartementet har bestemt at alle asylmottak skal gi opplysningar om namn, fødselsdato og nasjonalitet på bebuarar ved mottaket når politiet ber om det.

– Vi skjønnar ikkje heilt kvifor dette er nødvendig. Som driftar av asylmottak har vi eit tillitsforhold mellom tilsette og bebuarar, og denne reforma kan gjere det meir problematisk, seier kommunikasjonssjef Håkon Ødegaard i Norsk Folkehjelp til NTB.

Statssekretær Vidar Brein-Karlsen (Frp) i Justisdepartementet seier instruksen skal bidra til å skape tryggleik ved mottaka.

Den nye instruksen trer snart i kraft, og deretter vil det vere opp til politiet å be om informasjonen. Etter utlendingslova har politiet i dag rett til å få opplysningar om utlendingar i samband med konkrete saker. (©NPK)