Norsk gigantsiger 36–21 over VM-vinnar Nederland

Noreg gjekk frå 7–8 til 14–8 i løpet av ni frenetiske minutt i 1.-omgangen. Det vart så til 19–11 inn mot pause.

Det tok ikkje lange tida før leiinga var oppe i 25–11 i andre omgang. Og sidan heldt det fram på same måte. Noregs keeperpar Katrine Lunde og Silje Solberg har hatt ein fin haust i høvesvis Vipers Kristiansand og Györ. Begge er i form og fekk vist det torsdag.

Innleiinga på VM-oppkøyringa slo fast at Noreg kjem til å starte verdsmeisterskapen i Spania som favoritt. Den første norske kampen der går mot Kasakhstan fredag neste veke.

Nederland vann VM i Japan for snart to år sidan, men torsdag var det ei sørgjeleg nederlandsk utgåve som viste seg fram i Åsane Arena.

Noreg står med éin tittel på dei fem siste meisterskapane. Gullet i den perioden kom i EM i fjor.

Noreg held 4-nasjonersturneringa fram mot Sør-Korea laurdag. Asiatane har gjort store utskiftingar i troppen sidan eit svært skuffande OL i Tokyo i sommar. Etter VM kjem Sør-Korea til å tilsetje ein europeisk landslagstrenar for første gong.

Søndag spelar Noreg mot Russland (OL-sølv som ROC). Også her har fleire sentrale spelarar tekne ein landslagspause etter sommarleikane i Japan.

(©NPK)

Noregs Kristine Breistøl svevar over Nederlands forsvar i torsdagens handballandskamp. Foto: Beate Oma Dahle / NTB

Nora Mørk i samtale med trenarane Tonje Larsen og Thorir Hergeirsson under handballandskampen mot Nederland. Foto: Beate Oma Dahle / NTB