Norsk iskremfabrikk får ny eigar

(NPK-NTB): Isbjørn Is – den tredje største leverandøren av dei kalde godsakene i landet – er selt til Food Union, som har hovudkontor i Latvia. Dei tilsette på Askøy i Hordaland får behalda jobbane sine.

npk@npk.no

Publisert: 05.04.2016 kl 16:02

Isbjørn Is har ein del på 7– 8 prosent av den norske marknaden, der Diplom-Is og Hennig-Olsen er dei største aktørane, men er størst på direktesal gjennom Den Norske Isbilen.

– Food Union vil gå inn som ein aktiv eigar og vil kunna tilføra selskapet både kapital og kompetanse for vidare vekst, seier styreleiar Asbjørn Reinkind i Isbjørn Is i ei pressemelding.

Den nye eigaren ser for seg at selskapet kan bli større, mellom anna når det gjeld småis i sparepakkar i daglegvarebutikkar.

Den norske iskremprodusenten har tilsette i rundt 90 årsverk på Askøy, og ingen misser jobben ved fabrikken, skriv Bergens Tidende.