Norsk journalist lauslaten i Tyrkia

Den 30 år gamle norskkurdaren vart arrestert i Diyarbakir sør i Tyrkia før helga, men vart lauslaten tysdag, opplyser kjenningar av mannen til VG.

Utanriksdepartementet opplyser at dei er kjende med at ein norsk borgar som har vore fengsla i Tyrkia, «skal vere lauslaten».

Lokale medium har skrive at mannen vart arrestert fordi han hadde planar om å ta seg ulovleg inn i Syria, og kalla måten han oppførte seg på mistenkjeleg.

Mannen har den siste tida jobba med ein dokumentarfilm om kvinnelege kurdiske krigarar. (©NPK)