Norsk skiforslag vedtatt

(NPK-NTB): Forslaget til Norges Skiforbund om at arrangørar av VM nordisk også skal ta på seg å arrangera junior-VM blei samrøystes vedteke på FIS-kongressen i Cancún fredag.

npk@npk.no

Publisert: 10.06.2016 kl 18:58

Det er krevjande å arrangera junior-VM, og i framtida vil arrangementet gå i dei same arenaene som senior-VM året før eller eitt av dei første åra etter senior-VM.

Skipresident Erik Røste presenterte forslaget i Mexico.

– Val di Fiemme arrangerte junior-VM 2014, året etter senior-VM i 2013, og det blei ein fantastisk meisterskap for dei beste juniorane våre i hopp, kombinert og langrenn på plass. Med dette forslaget sikrar vi at juniorane får gå i dei beste anlegga og oppleva dei same arenaene som dei beste minst annakvart år, sa mellom anna Røste til forsamlinga.