Norwegian bestiller 19 Dreamlinerar

(NPK-NTB): Norwegian utvidar langdistanseflåten med 19 nye Boeing 787– 9 Dreamliner-fly. Dette er den største enkeltbestillinga av flymodellen i Europa.

npk@npk.no

Publisert: 22.10.2015 kl 09:13

– Denne bestillinga på 19 nye Dreamlinerar er ein stor milepæl for Norwegian. Med dei nye flya kan vi lansere ei rad nye ruter til reisande over heile verda, seier Norwegian-sjef Bjørn Kjos.

Selskapet har i dag åtte Boeing 787– 8 og elleve av den noko større Boeing 787– 9 i bestilling. Innan fem år vil flåten bestå av 38 Dreamliner-fly. (©NPK)