Ny måling gir britiske EU-tilhengarar knapp leiing

(NPK-NTB-AFP): Bli-leiren i EU-avstemminga i Storbrittania får 52 prosent oppslutning på ei meiningsmåling som er publisert på valdagen.

Publisert: 23.06.2016 kl 12:46

Brexit-tilhengarane får støtte frå 48 prosent i målinga, som Ipsos MORI har utført for gratisavisa Evening Standard.

Meiningsmålinga vart gjennomført tysdag og onsdag. Det har vore svært jamt på meiningsmålingane i tida fram mot folkeavstemminga.

Eit gjennomsnitt av dei seks siste målingane hos nettstaden What UK Thinks antydar eit resultat på 51 og 49 prosent for bli- og ut-leiren. (©NPK)