Ny mistanke om sjukdom i oppdrettsanlegg på Frøya

Anlegget 34859 Salatskjæra blir drive av SalMar, og er bandlagt etter at prøver tekne 10. august var positive for ILA. Det er blant anna innført forbod mot å ta fisk ut og inn av anlegget. Dersom mistanken blir stadfesta, blir anlegget pålagt utslakting innan ein kort frist.

Salatskjæra ligg i eit område der det er mange oppdrettsanlegg og innanfor kontrollområdet for ILA som blei oppretta etter at sjukdommen braut ut i to anlegg i april.

– Lokaliteten Kattholmen og Kattholmen II som også er mistenkte for sjukdommen ILA ligg snautt 5 kilometer unna. Mattilsynet har teke ut prøver av fisk ved Kattholmen, men analysane har ikkje gitt grunnlag for verifisering av ILA. Det er derfor planlagt nye prøveuttak seinare, skriv Mattilsynet. (©NPK)