Ny pris til Birgit Skarstein

Birgit Skarstein er blant Noregs fremste parautøvarar, og ho vann den sjette VM-tittelen sin i roing tidlegare i september.

Bergesenstiftelsen skriv i grunngivinga at ho vil «anerkjenne ein idrettsutøvar og ei humanitær stifting for det innovative arbeidet deira med å endre vilkåra for paraidrett, og å drive forskinga framover for parautøvarar og menneske med funksjonsnedsetting.»

Skarstein har sanka ei rekkje prisar dei siste åra, mellom anna Årets Peer Gynt (2021) og Egebergs ærespris i 2019.

Bergesenprisen vart oppretta i 1975 og blir delt ut årleg.

(©NPK)

Birgit Skarstein har vunne seks VM-gull i roing. Foto: Håkon Mosvold Larsen / NTB