Ny tung måling for Arbeidarpartiet

Partiet går tilbake 0,3 prosentpoeng på partimålinga til TV 2 for januar. Sjølv omtaler partileiaren oppslutninga som historisk låg.

– Men eg seier som eg har sagt før, dei viktigaste tala er dei som gjeld folk flest, og det er straum- og matprisane. Og eg er optimistisk med tanke på 2023, seier Støre.

Også Høgre går litt tilbake på målinga, men hadde valresultatet vore som i målinga, ville det gitt eit borgarleg fleirtal.

– Oppslutninga om Høgre er hyggjeleg, men det er lenge til kommunevalet og endå lenger til det neste stortingsvalet, så vi kjem til å slåst for å behalde veljarane heilt fram til valdagen, seier Høgre-leiar Erna Solberg (61).

Målinga gir også eit hyggjeleg resultat for Senterpartiet og Trygve Slagsvold Vedum. Partiet går fram med 1,1 prosentpoeng og landar på 6,2 prosent.

Heile målinga: R 6,3 (- 1,1), SV 8,7 (-0,2) Ap 19,5 (-0,3) Sp 6,2 (+1,1) V 4,6 (-1), KrF 3 (+0,1), H 30,4 (-0,5), Frp 13,9 (+3,3), Andre 4,3 (- 0,4).

(©NPK)

Statsminister Jonas Gahr Støre og Arbeidarpartiet går tilbake på TV2s nye partimåling for januar. Foto: Javad Parsa / NTB