Nye nødhjelpsforsyningar framme i Madaya

(NPK-NTB-Reuters-DPA): Over 60 lastebilar med medisinar og mat nådde torsdag den omringa byen Madaya i Syria, i tillegg til to landsbyar som er omringa av opprørarar.

npk@npk.no

Publisert: 14.01.2016 kl 08:38

Sist oppdatert: 14.01.2016 kl 17:08

Det stadfestar ein journalist i nyheitsbyrået AFP og den syriske eksilgruppa Syrian Observatory for Human Rights (SOHR) torsdag kveld.

44 lastebilar med nødhjelp vart torsdag sende til Madaya ved Libanons grense, medan 17 andre skulle levere hjelp til befolkninga i landsbyene Foua og Kefraya nord i Syria, opplyser talsmann Pawl Krzysiek i Den internasjonale Røde Kors-komiteen.

– Vi prioriterer kveitemjøl og helsehjelp. ICRC sender også ein ernæringsfysiolog som kan gjere dei riktige vurderingane av situasjonen, seier Krzysiek. (©NPK)