Nyfødd baby redda frå båt utanfor Kanariøyane

Ein nyfødd baby er redda saman med 86 andre menneske frå migrantbåtar utanfor Kanariøyane.

Publisert: 14.02.2020 kl 12:26

Spanske styresmakter opplyser fredag at 87 migrantar fordelte på tre små båtar vart funne drivande i havet utanfor øya Gran Canaria kvelden før.

I tillegg til den nyfødde babyen og mora vart tre gravide kvinner som var om bord, sende til sjukehus.

Resten av menneska i båtane var ved god helse, opplyser helsepersonell.