Nytt sjukehus i Stavanger-regionen kjem på Ullandhaug

– Først og fremst fordi det er den beste løysinga, sa helseminister Bent Høie (H) like etter at han hadde avslørt nyheita under den årlege næringslivskonferansen Solamøtet, melder NRK.

Statsråden meiner plassering på Ullandhaug gir mest sjukehus for pengane.

– Det inneber minst risiko, og her er det moglegheiter til å samle sjukehus, universitet og inkubatorpark med flest menneske innan forsking og utvikling. Eg er overbevist om at vi ser moglegheiter til at vår region skal bidra til enda meir helse i åra som kjem, sa statsråden, ifølgje Stavanger Aftenblad.

Debatten om kvar det nye sjukehuset skal liggje har gått i fleire år. Kampen har stått mellom Våland, der sjukehuset ligg i dag – og Ullandhaug, som ligg nær universitetet. (©NPK)