Offensiv mot nytt IS-kontrollert område i Syria

Amerikanske kjelder stadfestar overfor Reuters at militæroffensiven starta tysdag, etter fleire veker med førebuingar.

Kjeldene seier og at det truleg vil ta fleire veker å nedkjempe dei ytterleggåande islamistane i området, som ligg langs grensa til Tyrkia og har stor strategisk betydning.

IS har lenge nytta Manbij-området for å frakte forsyningar og framandkrigarar over grensa.

Styrkane som no leier an i offensiven mot området er i hovudsak syriske arabarar, sjølv om også den kurdiske YPG-militsen vil spele ein sentral rolle.

Tyrkia reknar YPG for å vere terroristar og er djupt skeptiske til at dei skal overta kontrollen i grenseområda. (©NPK)