Opec avviser Trumps oljekrav
Opec-landa er einige om ikkje å etterkomme kravet frå USAs president Donald Trump om tiltak som skal føre til lågare oljeprisar.
Saman med oljeprodusentane Russland og Saudi-Arabia kom Opec-landa fram til ei felles erklæring søndag, der dei slår fast at ein i dag har eit sunt forhold mellom tilbod og etterspørsel.
Ein auke i produksjonen vil berre føre til at prisen fell som følgje av større tilbod, heiter det i erklæringa som kom i stand i Algeries hovudstad Alger.
Tidlegare har Trump tydeleg gitt uttrykk for at han meiner oljeprisen er for høg. Torsdag kravde han ei umiddelbar senking av prisane.
- Vi beskyttar landa i Midtausten, dei ville ikkje vore trygge i lang tid utan oss, og likevel pressar dei oljeprisane høgare og høgare! Det skal vi hugse. OPEC-monopolet må få prisane ned no! skreiv presidenten.
(©NPK)
Irans OPEC-sjef Hossein Kazempour Ardebili snakkar med pressa etter møtet i Alger. Foto: Anis Belghoul / AP / NTB scanpix