Opninga av Østfoldbanen blir utsett
Østfoldbanen gjennom Ski blir likevel ikkje opna 10. august. Det blir sett opp alternativ transport i veka som kjem.
Førebels er opninga utsett éi veke, opplyser Bane Nor. Forseinkinga kjem av signalanlegget.
– Utfordringane er knytte til det omfattande arbeidet rundt Ski stasjon og det nye signalanlegget. Anlegget må tilpassast både nye og gamle system på Østfoldbanen, Østre linje og Vestre linje mot Oslo. Det krev omfattande testing. Av tryggingsmessige årsaker må vi derfor vente med å setje toga i trafikk, seier konserndirektør Sverre Kjenne i Bane Nor.
Det er sett inn ekstra mannskap til arbeidet.
(©NPK)
Opninga av Østfoldbanen er utsett med éi veke. Foto: Terje Bendiksby / NTB scanpix