Oppgangen held fram på Oslo Børs

(NPK-NTB): Fleire oppdrettsselskap fall på Oslo Børs torsdag. Store aktørar som Statoil sørgde likevel for at hovudindeksen gjekk opp 0,53 prosent – til 602,86 poeng.

npk@npk.no

Publisert: 30.06.2016 kl 12:23

Sist oppdatert: 30.06.2016 kl 17:35

Nest mest omsett torsdag var John Fredriksens lakseprodusent Marine Harvest, som fall med 3,8 prosent. I same bransje hadde også SalMar (-3,1) og Bakkafrost (-2,2) nedgang.

Blant børslokomotiva var det mykje oppgang å spore. Statoil var som vanleg mest omsett (+1,4). Andre aksjekursar som steig var DNB (+0,4), Telenor (+2,9). Norsk Hydro (+0,03), Orkla (+0,2), Det norske oljeselskap (+5,1) og Subsea 7 (+1,2).

Yara og Lerøy Seafood Group hadde ein nedgang på høvesvis 0,3 og 3,6 prosent.

I Europa var det høvesvis flat stemning torsdag. FTSE 100 i London steig med 0,91 prosent, CAC 40 i Paris med 0,70 og DAX 30 i Frankfurt med 0,26 prosent.

Prisen på nordsjøolje fall noko, men heldt seg framleis over 50 dollar fatet. Den vart torsdag omsett for 50,28 dollar fatet, ned 1,28 prosent frå onsdag. (©NPK)