Orkanen Earl svekkjer seg

Den maksimale vindstyrken er redusert til 29 meter per sekund, og det er venta at den taper seg endå meir når den kjem lenger inn over land, ifølgje U.S. National Hurricane Center.

I nabolandet Mexico tok styresmaktene ingen sjansar og evakuerte 300 familiar som bur i nærleiken av grensa til Belize. No har landet avblåst åtvaringane i samband med stormen.

Earl er den femte tropiske stormen i år, og den blei onsdag klassifisert til ein kategori 1 orkan, med vedvarande vindstyrke på mellom 33 og 42 meter per sekund. Det er den lågaste av totalt fem kategoriar. Ein tropisk storm har ein vedvarande vindstyrke på mellom 18 og 32 meter per sekund. (©NPK)