Oscar Piastri er Alpines nye Formel 1-førar

Det stadfestar laget på Twitter.

Piastri har vore ein del av Alpines juniorprogram sidan 2020 og er i årets Formel 1-sesong reserve for både Alpine og McLaren.

I løpet av sesongen har han testa F1-bilar på ulike banar rundt om i verda, og det var venta at han skulle få debutere som Formel 1-førar under treninga til Frankrikes Grand Prix. Det vart likevel utsett til etter sommarferien.

21-åringen debuterte i Formel 2 førre sesong og vann samanlagt i første forsøk. Han samla elleve pallplassar, og seks var sigrar.

Han vann også Formel 3-samandraget året før.

(©NPK)

Oscar Piastri skal køyre Alpine-bilen neste sesong. Foto: Darko Bandic / AP / NTB