Over 5.500 elevar manglar plass på vidaregåande

(NPK-NTB): I fleire norske fylke står over tusen unge på ventelister for å komme inn på vidaregåande skule. Førebels manglar 5.558 elevar skuleplass.

npk@npk.no

Publisert: 19.07.2016 kl 18:01

I Akershus, Hordaland og Rogaland står over tusen elevar på venteliste, medan i Østfold og Nord-Trøndelag har alle ungdommane som søkte fått plass på vidaregåande, skriv fagbladet Utdanning.

– Vi har veldig mange søkjarar og ikkje alle har komme inn på eitt av sine tre første val. Desse står no på venteliste, seier leder Hilde Dahlberg for inntakskontoret i Akershus til fagbladet.

Alle som kjem rett frå ungdomsskolen har krav på plass.