Overraskande eksportvekst i Tyskland

Tysk eksport auka uventa 1,3 prosent i august etter auka etterspurnad frå både USA og Kina. Ekspertar hadde på førehand spådd nedgang.

Publisert: 09.10.2024 kl 10:54

Analytikarar hadde venta ein nedgang på 1,8 prosent, ifølgje FactSet.

I staden vart august andre månad på rad med oppgang.

Auka eksport til USA er blant det som trekte opp tala. Eksporten auka med 5,5 prosent og førte til at USA igjen er den største importøren av tyske varer.

Eksporten auka med 1,9 prosent til Kina, og 0,8 prosent til andre EU-land.

Tyskland importerte varer for 109,4 milliardar euro i august, ned 3,4 prosent frå månaden før. Handelsoverskotet enda dermed på 22,5 milliardar euro.

(©NPK)

Tysklands statsminister Olaf Scholz kan glede seg over ein uventa oppgang i eksporten i august. Foto: Bernd von Jutrczenka / DPA via AP / NTB