Overraskande Svensk leiing i Sør-Afrika – Kofstad heng med

Svensson sikra seg plass på europatouren i løpet av hausten og har funne storforma i Johannesburg. Med rundar på 68 og 67 slag er han tre slag framfor næraste konkurrentar.

Hans landsmann Joakim Lagergren leidde etter 65-runden torsdag, men 71 slag fredag gjer at han fall til delt 2.-plass med Casey Jarvis og Matteo Manassero.

Kofstad har levert to 71-rundar (eitt slag under par) og er sju slag bak leiaren. Fredag greidde han fire birdiar mot tre bogeyar.

Kristian Krogh Johannessen missa cuten med eitt slag etter ein 75-runde. Det vart ein sur nedtur etter ein god opningsrunde som mellom anna inneheldt ein eagle.

Johannessen innleidde fredagen med ein dobbeltbogey. Han viska han ut med to birdiar, men så kom tre bogeyar som øydela for han.

(©NPK)

Espen Kofstad kan vere på veg mot ei god plassering i South African Open i golf. Foto: Tobias Röstlund, TT / NTB