Overveldande fleirtal for grunnlovsendringar i Tunisia

Nesten 95 prosent av har sagt ja til å endre Tunisias grunnlov og gi presidenten meir makt, viser førebelse resultat.

kjell.asmund.sunde@npk.no

Publisert: 27.07.2022 kl 07:28

Leiaren for valkommisjonen i landet seier tysdag at dei førebelse resultata viser at 94,6 prosent har stemt for å endre Grunnlova. Dette er i litt meir enn valdagsmålingane antyda.

– Vel 2,6 millionar av dei 9,3 millionar veljarane i landet har gitt si støtte til forslaget, seier kommisjonsleiar Farouk Bouasker. Måndag kveld sa han at valdeltakinga var på rundt 27,5 prosent.

Den nye lova vil gi president Kais Saied nærast uavgrensa makt, mellom anna til å utnemne regjeringar utan å bry seg om avstemmingar i nasjonalforsamlinga.

Saieds rivalar, blant dei det islamistinspirert Ennahda-partiet som har dominert tunisisk politikk sidan 2011, har skulda han for å på nytt innføre autoritært styre. Opposisjonen boikotta folkeavstemminga.

Prosessen fram mot folkeavstemminga har også vorte kritisert.

(©NPK)

Eit overveldande fleirtal av dei som røysta i folkeavstemminga måndag, seier ja til å gi Tunisias president langt meir makt. Foto: Riadh Dridi / AP / NTB