Øyvind Husby ny administrerande direktør i IKT-Norge
Øyvind Husby går frå stillinga som direktør for samfunnskontakt i Telia til toppstillinga i organisasjonen IKT-Norge.
Husby er utdanna siviløkonom og har jobba i telekombransjen i over 20 år. Han tek over etter Heidi Austlid, som går til Den norske Forleggerforening.
– Eg er audmjuk overfor oppgåva og ambisiøs på vegner av bransjen og tydinga vi har som drivkraft til framtidig verdiskaping og overgangen til eit berekraftig samfunn, seier Husby.
IKT-Norge er ein uavhengig interesseorganisasjon som jobbar for å styrkje dei overordna rammevilkåra for det digitale næringslivet.
(©NPK)