Pasient med påvist koronasmitte døydde på Kalnes sjukehus
Ein mann i 60-åra med påvist koronasmitte døydde fredag ettermiddag på Kalnes sjukehus i Sarpsborg.
Det stadfestar sjukehuset laurdag morgon, skriv Fredriksstad Blad. Sjukehuset ønsker ikkje å gi ytterlegare informasjon om pasienten som følgje av personvernomsyn.
Ifølgje Dagsavisen er avdøde ein mann i 60-åra frå Moss. Han skal ha vore i risikogruppa.
Dødsfallet er det andre knytte til koronaviruset som Moss opplever på to dagar. Torsdag døydde ei kvinne i 80-åra på Orkerød sjukeheim. Mannen som døydde fredag, var ikkje bebuar på sjukeheimen.
Den avdøde mannen er den første med påviste koronasmitte som har døydd på Kalnes sjukehus.
(©NPK)
Ein person med påvist koronasmitte døydde på Kalnes sjukehus fredag ettermiddag. Foto: Cornelius Poppe / NTB scanpix