Patrick Shanahan går av som USAs forsvarsminister
USAs fungerande forsvarsminister Patrick Shanahan trekker kandidaturet sitt til å bli permanent forsvarsminister i landet, opplyser president Donald Trump.
Mark Esper blir ny fungerande forsvarsminister, skriv Trump på Twitter tysdag. Esper kjem frå stillinga som øvste sivile sjefen for hæren i forsvarsdepartementet.
Ifølgje Trump har Shanahan trekt kandidaturet sitt fordi han ønsker å ha meir tid med familien. Han skriv òg at Shanahan har gjort ein flott jobb.
Om Mark Esper vankar det òg lovord.
- Eg kjenner Mark og er ikkje i tvil om at han vil gjere ein fantastisk jobb, skriv presidenten.
USA har ikkje hatt ein permanent forsvarsminister sidan Jim Mattis gjekk av i desember i fjor.
I denne perioden har USA trappa opp konflikten med Iran og auka det militære nærværet sitt ved Persiabukta.
(©NPK)
USAs fungerande forsvarsminister Patrick Shanahan trekker seg, ifølgje president Donald Trump. Foto: Manuel Balce Ceneta / AP / NTB scanpix