Paul Pogba forlèt Manchester United

Pogba forlèt klubben gratis ved enden av månaden når kontrakten hans går ut med Manchester United.

29-åringen starta i akademiet til Manchester United som 16-åring og fekk proffdebuten sin tilbake i 2011. Året etter gjekk han på overgang til italienske Juventus, der han spelte fram til 2016.

Returen til England vart ingen stor suksess for midtbanespelaren, som berre har lykkast i å ta heim to trofé i sin andre periode i klubben.

I 2016/17-sesongen vann han Europaligaen og i den engelske ligacupen.

Pogba har slite med skadar og berre spelt 27 kampar for «Dei raude djevlane» denne sesongen. Manchester United enda på sjetteplass i Premier League.

Midtbanespelaren har spelt totalt 233 kampar for Manchester United, der han har skåra 31 mål og gitt målgivande pasningen til 51 mål.

Ifølgje den anerkjende overgangsjournalisten Fabrizio Romano er det Juventus som står først i køen for å signere franskmannen.

Det er endå ikkje stadfesta kvar Pogba skal spele neste sesong.

(©NPK)

Paul Pogbas dagar i Manchester United er over. Foto: Fredrik Hagen / NTB.