Pave Frans: Barn bør ikkje få velje eige kjønn

– I dag lærer dei barn – barn! – at alle kan velge sitt eige kjønn. Dette er forferdeleg, sa pave Frans under eit møte med polske biskopar.

Paven fortalde vidare at han meiner denne undervisninga er leidd av rike menneske og innflytelsesrike land. Ifølgje paven representerer dei ein synd mot Gud.

Pave Frans har tidlegare gjeve uttrykk for at han meiner at dei «ekte» familiane består av heteroseksuelle foreldre.

Katolikkar i Italia og fleire andre land meiner ofte at seksualundervisning på skulane går for langt, og fleire har meint at undervisninga fremjer ein ikkje-heterofil livsstil og at den skuvar barn vekk frå det tradisjonelle familielivet.

I det religiøse Italia er det ikkje obligatorisk for skular å tilby seksualundervisning, slik det er i mange europeiske land, ifølgje Politico. Mange skular tilbyr derfor ikkje seksualundervisning. (©NPK)